תפילת השחרית

בָּרוּךְ שֶׁאָמַר וְהָיָה הָעוֹלָם: בָּרוּךְ הוּא

בָּרוּךְ אוֹמֵר וְעוֹשֶׂה: בָּרוּךְ גּוֹזֵר וּמְקַיֵּם

בָּרוּךְ מְרַחֵם עַל הָאָרֶץ: בָּרוּךְ מְרַחֵם עַל הַבְּרִיּוֹת

בָּרוּךְ מַעֲבִיר אֲפֵלָה וּמֵבִיא אוֹרָה: בָּרוּךְ מְשַׁלֵּם שָׂכָר טוֹב לִירֵאָיו

בָּרוּךְ שְׁאֵין לְפָנָיו לֹא עַוְלָה וְלֹא שִׁכְחָה לֹא כָזָב וְלֹא מִרְמָה לֹא מַשּׂוֹא פָנִים וְלֹא מִקַּח שֹׁחַד

בָּרוּךְ אֵל חַי לָעַד וְקַיָּם לָנֶצַח

בָּרוּךְ אַתָּה יְהוָה אֱלֹהֵינוּ מֶלֶךְ הָעוֹלָם הָאֵל הַמְהֻלָּל בְּפִי עַמּוֹ מְשֻׁבָּח וּמְפֹאָר בִּלְשׁוֹן כָּל חֲסִידָיו וַעֲבָדָיו וּבְשִׁירֵי דָוִיד בֶּן יִשַׁי עַבְדְּךָ מְשִׁיחֶךָ: נְהַלֶּלְךָ יְהוָה אֱלֹהֵינוּ בִּשְׁבָחוֹ וּבְזִמְרוֹ: נוֹדָךְ נְשַׁבְּחָךְ נְפָאֲרָךְ נַמְלִיכָךְ נַזְכִּיר שְׁמָךְ מַלְכֵּנוּ אֱלֹהֵינוּ יַחַד: יָחִיד חֵי הָעוֹלָמִים מְשֻׁבָּח וּמְפֹאָר עֲדֵי עַד שְׁמוֹ

בָּרוּךְ אַתָּה יְהוָה מֶלֶךְ מְהֻלָּל בַּתֻּשְׁבָּחוֹת

Požehnaný je Ten, jenž řekl a povstal svět. On je požehnaný!

Požehnaný je Ten, jenž praví a koná. Buď pochválen Ten, jenž stanovuje a naplňuje.

Požehnaný je Ten, jenž se smilovává nad zemí. Buď pochválen Ten, jenž se smilovává nad tvorstvem.

Požehnaný je Ten, jenž odvádí tmu a přivádí světlo. Buď pochválen Ten, jenž dává dobrou odměnu těm, kdo se Ho bojí.

Požehnaný je Ten, jenž nesnese bezpráví a nezapomíná, nezná klam ani lest, nestraní nikomu a nepřijímá úplatky.

Požehnaný je Bůh, navěky živý, stálý a věčný.

Požehnaný jsi, Hospodine, Bože náš, Králi světa, Bože chválený ústy svého lidu, velebený a oslavovaný jazykem všech svých oddaných a svých služebníků, písněmi Davida, syna Jišajova, Tvého služebníka a Tvého pomazaného. Tebe budeme chválit, Hospodine, Bože náš, jeho chválou a jeho zpěvem. Budeme Ti vzdávat díky, Tebe velebit, oslavovat, provolávat Tvé království a společně připomínat Tvé jméno, náš Králi, náš Bože. Jedinečný, Živote světů – velebené a oslavované je Tvé jméno na věky věků.

Požehnaný jsi, Hospodine, Králi oslavovaný chvalozpěvy.

יְהִ֤י כְב֣וֹד יְהוָ֣ה לְעוֹלָ֑ם; יִשְׂמַ֖ח יְהוָ֣ה בְּמַֽעֲשָֽׂיו׃

יְהִ֤י שֵׁ֣ם יְהוָ֣ה מְבֹרָ֑ךְ; מֵֽ֝עַתָּ֗ה וְעַד־עוֹלָֽם׃

מִמִּזְרַח־שֶׁ֥מֶשׁ עַד־מְבוֹא֑וֹ; מְ֝הֻלָּ֗ל שֵׁ֣ם יְהוָֽה׃

רָ֖ם עַל־כָּל־גּוֹיִ֥ם ׀ יְהוָ֑ה; עַ֖ל הַשָּׁמַ֣יִם כְּבוֹדֽוֹ׃

יְ֭הוָה שִׁמְךָ֣ לְעוֹלָ֑ם; יְ֝הוָ֗ה זִכְרְךָ֥ לְדֹר־וָדֹֽר׃

יְֽהוָ֗ה בַּ֭שָּׁמַיִם הֵכִ֣ין כִּסְא֑וֹ; וּ֝מַלְכוּת֗וֹ בַּכֹּ֥ל מָשָֽׁלָה׃

יִשְׂמְח֤וּ הַשָּׁמַ֨יִם֙ וְתָגֵ֣ל הָאָ֔רֶץ וְיֹֽאמְר֥וּ בַגּוֹיִ֖ם יְהוָ֥ה מָלָֽךְ׃

יְהוָה מֶלֶךְ.

יְהוָ֥ה ׀ יִמְלֹ֖ךְ לְעֹלָ֥ם וָעֶֽד׃

יְהוָ֣ה מֶ֭לֶךְ עוֹלָ֣ם וָעֶ֑ד; אָֽבְד֥וּ ג֝וֹיִ֗ם מֵֽאַרְצֽוֹ׃

יְֽהוָ֗ה הֵפִ֥יר עֲצַת־גּוֹיִ֑ם; הֵ֝נִ֗יא מַחְשְׁב֥וֹת עַמִּֽים׃

עֻ֥צוּ עֵצָ֖ה וְתֻפָ֑ר דַּבְּר֤וּ דָבָר֙ וְלֹ֣א יָק֔וּם כִּ֥י עִמָּ֖נוּ אֵֽל׃

רַבּ֣וֹת מַֽחֲשָׁב֣וֹת בְּלֶב־אִ֑ישׁ; וַֽעֲצַ֥ת יְ֝הוָ֗ה הִ֣יא תָקֽוּם׃

עֲצַ֣ת יְ֭הוָה לְעוֹלָ֣ם תַּֽעֲמֹ֑ד; מַחְשְׁב֥וֹת לִ֝בּ֗וֹ לְדֹ֣ר וָדֹֽר׃

כִּ֤י ה֣וּא אָמַ֣ר וַיֶּ֑הִי; הֽוּא־צִ֝וָּ֗ה וַֽיַּעֲמֹֽד׃

כִּֽי־בָחַ֣ר יְהוָ֣ה בְּצִיּ֑וֹן; אִ֝וָּ֗הּ לְמוֹשָׁ֥ב לֽוֹ׃

כִּֽי־יַעֲקֹ֗ב בָּחַ֣ר ל֣וֹ יָ֑הּ; יִ֝שְׂרָאֵ֗ל לִסְגֻלָּתֽוֹ׃

כִּ֤י ׀ לֹֽא־יִטֹּ֣שׁ יְהוָ֣ה עַמּ֑וֹ; וְ֝נַֽחֲלָת֗וֹ לֹ֣א יַֽעֲזֹֽב׃

וְה֤וּא רַח֨וּם ׀ יְכַפֵּ֥ר עָוֺן֮; וְֽלֹא־יַֽ֫שְׁחִ֥ית

וְ֭הִרְבָּה לְהָשִׁ֣יב אַפּ֑וֹ; וְלֹֽא־יָ֝עִ֗יר כָּל־חֲמָתֽוֹ׃

יְהוָ֥ה הוֹשִׁ֑יעָה; הַ֝מֶּ֗לֶךְ יַֽעֲנֵ֥נוּ בְיוֹם־קָרְאֵֽנוּ׃

אַ֭שְׁרֵי יֽוֹשְׁבֵ֣י בֵיתֶ֑ךָ; ע֝֗וֹד יְֽהַלְל֥וּךָ סֶּֽלָה׃

אַשְׁרֵ֣י הָ֭עָם שֶׁכָּ֣כָה לּ֑וֹ; אַֽשְׁרֵ֥י הָ֝עָ֗ם שֱׁיְהוָ֥ה אֱלֹהָֽיו׃

תְּהִלָּ֗ה לְדָ֫וִ֥ד

אֲרֽוֹמִמְךָ֣ אֱלוֹהַ֣י הַמֶּ֑לֶךְ; וַאֲבָֽרְכָ֥ה שִׁ֝מְךָ֗ לְעוֹלָ֥ם וָעֶֽד׃

בְּכָל־י֥וֹם אֲבָֽרְכֶ֑ךָּ; וַאֲהַֽלְלָ֥ה שִׁ֝מְךָ֗ לְעוֹלָ֥ם וָעֶֽד׃

גָּ֘ד֤וֹל יְהוָ֣ה וּמְהֻלָּ֣ל מְאֹ֑ד; וְ֝לִגְדֻלָּת֗וֹ אֵ֣ין חֵֽקֶר׃

דּ֣וֹר לְ֭דוֹר יְשַׁבַּ֣ח מַֽעֲשֶׂ֑יךָ; וּגְב֖וּרֹתֶ֣יךָ יַגִּֽידוּ׃

הֲ֭דַר כְּב֣וֹד הוֹדֶ֑ךָ; וְדִבְרֵ֖י נִפְלְאֹתֶ֣יךָ אָשִֽׂיחָה׃

וֶֽעֱז֣וּז נֽוֹרְאֹתֶ֣יךָ יֹאמֵ֑רוּ; וּגְדֻלָּֽתְךָ֥ אֲסַפְּרֶֽנָּה׃

זֵ֣כֶר רַב־טֽוּבְךָ֣ יַבִּ֑יעוּ; וְצִדְקָֽתְךָ֥ יְרַנֵּֽנוּ׃

חַנּ֣וּן וְרַח֣וּם יְהוָ֑ה; אֶ֥רֶךְ אַ֝פַּ֗יִם וּגְדָל־חָֽסֶד׃

טוֹב־יְהוָ֥ה לַכֹּ֑ל; וְ֝רַֽחֲמָ֗יו עַל־כָּל־מַֽעֲשָֽׂיו׃

יוֹד֣וּךָ יְ֭הוָה כָּל־מַֽעֲשֶׂ֑יךָ; וַֽ֝חֲסִידֶ֗יךָ יְבָֽרְכֽוּכָה׃

כְּב֣וֹד מַלְכֽוּתְךָ֣ יֹאמֵ֑רוּ; וּגְבוּרָֽתְךָ֥ יְדַבֵּֽרוּ׃

לְהוֹדִ֤יעַ ׀ לִבְנֵ֣י הָֽ֭אָדָם גְּבֽוּרֹתָ֑יו; וּ֝כְב֗וֹד הֲדַ֣ר מַלְכוּתֽוֹ׃

מַֽלְכוּתְךָ֗ מַלְכ֥וּת כָּל־עֹֽלָמִ֑ים; וּ֝מֶֽמְשַׁלְתְּךָ֗ בְּכָל־דּ֥וֹר וָדֹֽר׃

סוֹמֵ֣ךְ יְ֭הוָה לְכָל־הַנֹּֽפְלִ֑ים; וְ֝זוֹקֵ֗ף לְכָל־הַכְּפוּפִֽים׃

עֵֽינֵי־כֹ֭ל אֵלֶ֣יךָ יְשַׂבֵּ֑רוּ; וְאַתָּ֤ה נֽוֹתֵן־לָהֶ֖ם אֶת־אָכְלָ֣ם בְּעִתּֽוֹ׃

פּוֹתֵ֥חַ אֶת־יָדֶ֑ךָ; וּמַשְׂבִּ֖יעַ לְכָל־חַ֣י רָצֽוֹן׃

צַדִּ֣יק יְ֭הוָה בְּכָל־דְּרָכָ֑יו; וְ֝חָסִ֗יד בְּכָל־מַֽעֲשָֽׂיו׃

קָר֣וֹב יְ֭הוָה לְכָל־קֹֽרְאָ֑יו; לְכֹ֤ל אֲשֶׁ֖ר יִקְרָאֻ֣הוּ בֶֽאֱמֶֽת׃

רְצוֹן־יְרֵאָ֥יו יַֽעֲשֶׂ֑ה; וְֽאֶת־שַׁוְעָתָ֥ם יִ֝שְׁמַ֗ע וְיֽוֹשִׁיעֵֽם׃

שׁוֹמֵ֣ר יְ֭הוָה אֶת־כָּל־אֹֽהֲבָ֑יו; וְאֵ֖ת כָּל־הָֽרְשָׁעִ֣ים יַשְׁמִֽיד׃

תְּהִלַּ֥ת יְהוָ֗ה יְֽדַבֶּ֫ר פִּ֥י; וִֽיבָרֵ֣ךְ כָּל־בָּ֭שָׂר שֵׁ֥ם קָדְשׁ֗וֹ לְעוֹלָ֥ם וָעֶֽד׃

Žaml 145:

הַֽלְלוּ־יָ֡הּ

הַֽלְלִ֥י נַ֝פְשִׁ֗י; אֶת־יְהוָֽה׃

אֲהַֽלְלָ֣ה יְהוָ֣ה בְּחַיָּ֑י; אֲזַמְּרָ֖ה לֵֽאלֹהַ֣י בְּעוֹדִֽי׃

אַל־תִּבְטְח֥וּ בִנְדִיבִ֑ים; בְּבֶן־אָדָ֓ם ׀ שֶׁ֤אֵ֖ין ל֥וֹ תְשׁוּעָֽה׃

תֵּצֵ֣א ר֭וּחוֹ יָשֻׁ֣ב לְאַדְמָת֑וֹ; בַּיּ֥וֹם הַ֝ה֗וּא אָֽבְד֥וּ עֶשְׁתֹּֽנֹתָֽיו׃

אַשְׁרֵ֗י שֶׁ֤אֵ֣ל יַֽעֲקֹ֣ב בְּעֶזְר֑וֹ; שִׂ֝בְר֗וֹ עַל־יְהוָ֥ה אֱלֹהָֽיו׃

עֹשֶׂ֤ה ׀ שָׁ֘מַ֤יִם וָאָ֗רֶץ; אֶת־הַיָּ֥ם וְאֶת־כָּל־אֲשֶׁר־בָּ֑ם הַשֹּׁמֵ֖ר אֱמֶ֣ת; לְעוֹלָֽם׃

עֹשֶׂ֤ה מִשְׁפָּ֨ט ׀ לָֽעֲשׁוּקִ֗ים נֹתֵ֣ן לֶ֭חֶם לָֽרְעֵבִ֑ים; יְ֝הוָ֗ה מַתִּ֥יר אֲסוּרִֽים׃

יְהוָ֤ה ׀ פֹּ֘קֵ֤חַ עִוְרִ֗ים יְ֭הוָה זֹקֵ֣ף כְּפוּפִ֑ים; יְ֝הוָ֗ה אֹהֵ֥ב צַדִּיקִֽים׃

יְהוָ֤ה ׀ שֹׁ֘מֵ֤ר אֶת־גֵּרִ֗ים יָת֣וֹם וְאַלְמָנָ֣ה יְעוֹדֵ֑ד; וְדֶ֖רֶךְ רְשָׁעִ֣ים יְעַוֵּֽת׃

יִמְלֹ֤ךְ יְהוָ֨ה ׀ לְעוֹלָ֗ם; אֱלֹהַ֣יִךְ צִ֭יּוֹן לְדֹ֥ר וָדֹ֗ר הַֽלְלוּ־יָֽהּ׃

Žalm 146:

הַ֥לְלוּ יָ֨הּ ׀

כִּֽי־ט֭וֹב זַמְּרָ֣ה אֱלֹהֵ֑ינוּ; כִּֽי־נָ֝עִ֗ים נָאוָ֥ה תְהִלָּֽה׃

בּוֹנֵ֣ה יְרֽוּשָׁלִַ֣ם יְהוָ֑ה; נִדְחֵ֖י יִשְׂרָאֵ֣ל יְכַנֵּֽס׃

הָֽ֭רֹפֵא לִשְׁב֣וּרֵי לֵ֑ב; וּ֝מְחַבֵּ֗שׁ לְעַצְּבוֹתָֽם׃

מוֹנֶ֣ה מִ֭סְפָּר לַכּֽוֹכָבִ֑ים; לְ֝כֻלָּ֗ם שֵׁמ֥וֹת יִקְרָֽא׃

גָּד֣וֹל אֲדוֹנֵ֣ינוּ וְרַב־כֹּ֑חַ; לִ֝תְבֽוּנָת֗וֹ אֵ֣ין מִסְפָּֽר׃

מְעוֹדֵ֣ד עֲנָוִ֣ים יְהוָ֑ה; מַשְׁפִּ֖יל רְשָׁעִ֣ים עֲדֵי־אָֽרֶץ׃

עֱנ֣וּ לַֽיהוָ֣ה בְּתוֹדָ֑ה; זַמְּר֖וּ לֵֽאלֹהֵ֣ינוּ בְכִנּֽוֹר׃

הַֽמְכַסֶּ֬ה שָׁמַ֨יִם ׀ בְּעָבִ֗ים; הַמֵּכִ֣ין לָאָ֣רֶץ מָטָ֑ר הַמַּצְמִ֖יחַ הָרִ֣ים; חָצִֽיר׃

נוֹתֵ֣ן לִבְהֵמָ֣ה לַחְמָ֑הּ; לִבְנֵ֥י עֹ֝רֵ֗ב אֲשֶׁ֣ר יִקְרָֽאוּ׃

לֹ֤א בִגְבוּרַ֣ת הַסּ֣וּס יֶחְפָּ֑ץ; לֹֽא־בְשׁוֹקֵ֖י הָאִ֣ישׁ יִרְצֶֽה׃

רוֹצֶ֣ה יְ֭הוָה אֶת־יְרֵאָ֑יו; אֶת־הַֽמְיַחֲלִ֥ים לְחַסְדּֽוֹ׃

שַׁבְּחִ֣י יְ֭רֽוּשָׁלִַם אֶת־יְהוָ֑ה; הַֽלְלִ֖י אֱלֹהַ֣יִךְ צִיּֽוֹן׃

כִּֽי־חִ֭זַּק בְּרִיחֵ֣י שְׁעָרָ֑יִךְ; בֵּרַ֖ךְ בָּנַ֣יִךְ בְּקִרְבֵּֽךְ׃

הַשָּׂם־גְּבוּלֵ֥ךְ שָׁל֑וֹם; חֵ֥לֶב חִ֝טִּ֗ים יַשְׂבִּיעֵֽךְ׃

הַשֹּׁלֵ֣חַ אִמְרָת֣וֹ אָ֑רֶץ; עַד־מְ֝הֵרָ֗ה יָר֥וּץ דְּבָרֽוֹ׃

הַנֹּתֵ֣ן שֶׁ֣לֶג כַּצָּ֑מֶר; כְּ֝פ֗וֹר כָּאֵ֥פֶר יְפַזֵּֽר׃

מַשְׁלִ֣יךְ קַֽרְח֣וֹ כְפִתִּ֑ים; לִפְנֵ֥י קָֽ֝רָת֗וֹ מִ֣י יַֽעֲמֹֽד׃

יִשְׁלַ֣ח דְּבָר֣וֹ וְיַמְסֵ֑ם; יַשֵּׁ֥ב ר֝וּח֗וֹ יִזְּלוּ־מָֽיִם׃

מַגִּ֣יד דְּבָרָ֣ו לְיַֽעֲקֹ֑ב; חֻקָּ֥יו וּ֝מִשְׁפָּטָ֗יו לְיִשְׂרָאֵֽל׃

לֹ֘א עָ֤שָׂה כֵ֨ן ׀ לְכָל־גּ֗וֹי; וּמִשְׁפָּטִ֥ים בַּל־יְדָע֗וּם הַֽלְלוּ־יָֽהּ׃

Žalm 147:

הַ֥לְלוּ יָ֨הּ ׀

הַֽלְל֣וּ אֶת־יְ֭הוָה מִן־הַשָּׁמַ֑יִם; הַֽ֝לְל֗וּהוּ בַּמְּרוֹמִֽים׃

הַֽלְל֥וּהוּ כָל־מַלְאָכָ֑יו; הַֽ֝לְל֗וּהוּ כָּל־צְבָאָֽו׃

הַֽ֭לְלוּהוּ שֶׁ֣מֶשׁ וְיָרֵ֑חַ; הַֽ֝לְל֗וּהוּ כָּל־כּ֥וֹכְבֵי אֽוֹר׃

הַֽ֭לְלוּהוּ שְׁמֵ֣י הַשָּׁמָ֑יִם; וְ֝הַמַּ֗יִם אֲשֶׁ֤ר ׀ מֵעַ֬ל הַשָּׁמָֽיִם׃

יְֽ֭הַלְלוּ אֶת־שֵׁ֣ם יְהוָ֑ה; כִּ֤י ה֖וּא צִוָּ֣ה וְנִבְרָֽאוּ׃

וַיַּֽעֲמִידֵ֣ם לָעַ֣ד לְעוֹלָ֑ם; חָק־נָ֝תַ֗ן וְלֹ֣א יַֽעֲבֽוֹר׃

הַֽלְל֣וּ אֶת־יְ֭הוָה מִן־הָאָ֑רֶץ; תַּ֝נִּינִ֗ים וְכָל־תְּהֹמֽוֹת׃

אֵ֣שׁ וּ֭בָרָד שֶׁ֣לֶג וְקִיט֑וֹר; ר֥וּחַ סְ֝עָרָ֗ה עֹשָׂ֥ה דְבָרֽוֹ׃

הֶֽהָרִ֥ים וְכָל־גְּבָע֑וֹת; עֵ֥ץ פְּ֝רִ֗י וְכָל־אֲרָזִֽים׃

הַֽחַיָּ֥ה וְכָל־בְּהֵמָ֑ה; רֶ֝֗מֶשׂ וְצִפּ֥וֹר כָּנָֽף׃

מַלְכֵי־אֶ֭רֶץ וְכָל־לְאֻמִּ֑ים; שָׂ֝רִ֗ים וְכָל־שֹׁ֥פְטֵי אָֽרֶץ׃

בַּֽחוּרִ֥ים וְגַם־בְּתוּל֑וֹת; זְ֝קֵנִ֗ים עִם־נְעָרִֽים׃

יְהַֽלְל֤וּ ׀ אֶת־שֵׁ֬ם יְהוָ֗ה; כִּֽי־נִשְׂגָּ֣ב שְׁמ֣וֹ לְבַדּ֑וֹ ה֝וֹד֗וֹ; עַל־אֶ֥רֶץ וְשָׁמָֽיִם׃

וַיָּ֤רֶם קֶ֨רֶן ׀ לְעַמּ֡וֹ; תְּהִלָּ֤ה לְֽכָל־חֲסִידָ֗יו לִבְנֵ֣י יִ֭שְׂרָאֵל; עַ֥ם קְרֹב֗וֹ

הַֽלְלוּ־יָֽהּ׃

Žalm 148:

הַ֥לְלוּ יָ֨הּ ׀

שִׁ֣ירוּ לַֽ֭יהוָה שִׁ֣יר חָדָ֑שׁ; תְּ֝הִלָּת֗וֹ בִּקְהַ֥ל חֲסִידִֽים׃

יִשְׂמַ֣ח יִשְׂרָאֵ֣ל בְּעֹשָׂ֑יו; בְּנֵֽי־צִ֝יּ֗וֹן יָגִ֥ילוּ בְמַלְכָּֽם׃

יְהַֽלְל֣וּ שְׁמ֣וֹ בְמָח֑וֹל; בְּתֹ֥ף וְ֝כִנּ֗וֹר יְזַמְּרוּ־לֽוֹ׃

כִּֽי־רוֹצֶ֣ה יְהוָ֣ה בְּעַמּ֑וֹ; יְפָאֵ֥ר עֲ֝נָוִ֗ים בִּֽישׁוּעָֽה׃

יַעְלְז֣וּ חֲסִידִ֣ים בְּכָב֑וֹד; יְ֝רַנְּנ֗וּ עַל־מִשְׁכְּבוֹתָֽם׃

רֽוֹמְמ֣וֹת אֵ֭ל בִּגְרוֹנָ֑ם; וְחֶ֖רֶב פִּֽיפִיּ֣וֹת בְּיָדָֽם׃

לַֽעֲשׂ֣וֹת נְ֭קָמָה בַּגּוֹיִ֑ם; תּֽ֝וֹכֵח֗וֹת בַּלְאֻמִּֽים׃

לֶאְסֹ֣ר מַלְכֵיהֶ֣ם בְּזִקִּ֑ים; וְ֝נִכְבְּדֵיהֶ֗ם בְּכַבְלֵ֥י בַרְזֶֽל׃

לַֽעֲשׂ֤וֹת בָּהֶ֨ם ׀ מִשְׁפָּ֬ט כָּת֗וּב; הָדָ֣ר ה֭וּא לְכָל־חֲסִידָ֗יו הַֽלְלוּ־יָֽהּ׃

Žaml 150:

הַ֥לְלוּ יָ֨הּ ׀

הַֽלְלוּ־אֵ֥ל בְּקָדְשׁ֑וֹ; הַֽ֝לְל֗וּהוּ בִּרְקִ֥יעַ עֻזּֽוֹ׃

הַֽלְל֥וּהוּ בִגְבֽוּרֹתָ֑יו; הַֽ֝לְל֗וּהוּ כְּרֹ֣ב גֻּדְלֽוֹ׃

הַֽ֭לְלוּהוּ בְּתֵ֣קַע שׁוֹפָ֑ר; הַֽ֝לְל֗וּהוּ בְּנֵ֣בֶל וְכִנּֽוֹר׃

הַֽ֭לְלוּהוּ בְּתֹ֣ף וּמָח֑וֹל; הַֽ֝לְל֗וּהוּ בְּמִנִּ֥ים וְעֻגָֽב׃

הַֽלְל֥וּהוּ בְצִלְצְלֵי־שָׁ֑מַע; הַֽ֝לְל֗וּהוּ בְּֽצִלְצְלֵ֥י תְרוּעָֽה׃

כֹּ֣ל הַ֭נְּשָׁמָה תְּהַלֵּ֥ל יָ֗הּ; הַֽלְלוּ־יָֽהּ׃

בָּר֖וּךְ יְהוָ֥ה לְ֝עוֹלָ֗ם; אָ֘מֵ֥ן ׀ וְאָמֵֽן׃

יִמְלֹךְ יְהוָה לְעוֹלָם, אָמֵן וְאָמֵן.

וַיְבָ֤רֶךְ דָּוִיד֙ אֶת־יְהוָ֔ה לְעֵינֵ֖י כָּל־הַקָּהָ֑ל וַיֹּ֣אמֶר דָּוִ֗יד בָּר֨וּךְ אַתָּ֤ה יְהוָה֙ אֱלֹהֵי֙ יִשְׂרָאֵ֣ל אָבִ֔ינוּ מֵֽעוֹלָ֖ם וְעַד־עוֹלָֽם׃ לְךָ֣ יְ֠הוָה הַגְּדֻלָּ֨ה וְהַגְּבוּרָ֤ה וְהַתִּפְאֶ֨רֶת֙ וְהַנֵּ֣צַח וְהַה֔וֹד כִּי־כֹ֖ל בַּשָּׁמַ֣יִם וּבָאָ֑רֶץ לְךָ֤ יְהוָה֙ הַמַּמְלָכָ֔ה וְהַמִּתְנַשֵּׂ֖א לְכֹ֥ל ׀ לְרֹֽאשׁ׃ וְהָעֹ֤שֶׁר וְהַכָּבוֹד֙ מִלְּפָנֶ֔יךָ וְאַתָּה֙ מוֹשֵׁ֣ל בַּכֹּ֔ל וּבְיָֽדְךָ֖ כֹּ֣חַ וּגְבוּרָ֑ה וּבְיָ֣דְךָ֔ לְגַדֵּ֥ל וּלְחַזֵּ֖ק לַכֹּֽל׃ וְעַתָּ֣ה אֱלֹהֵ֔ינוּ מוֹדִ֥ים אֲנַ֖חְנוּ לָ֑ךְ וּֽמְהַלְלִ֖ים לְשֵׁ֥ם תִּפְאַרְתֶּֽךָ׃

וִיבָֽרְכוּ֙ שֵׁ֣ם כְּבֹדֶ֔ךָ וּמְרוֹמַ֥ם עַל־כָּל־בְּרָכָ֖ה וּתְהִלָּֽה׃

יִשְׁתַּבַּח שִׁמְךָ לָעַד מַלְכֵּנוּ, הַמֶּלֶךְ הַגָּדוֹל וְהַקָּדוֹשׁ בַּשָּׁמַיִם וּבָאָרֶץ: כִּי לְךָ נָאֶה יְהוָה אֱלֹהֵינוּ, שִׁיר וּשְׁבָח, הַלֵּל וְזִמְרָה, בְּרָכוֹת וְהוֹדָאוֹת, נֶצַח גְּבוּרָה גְּדֻלָּה תְּהִלָּה וְתִפְאֶרֶת, עֹז מַלְכוּת וּמֶמְשָׁלָה, מֵעַתָּה וְעַד עוֹלָם. בָּרוּךְ אַתָּה יְהוָה אֱלֹהֵינוּ מֶלֶךְ הָעוֹלָם, מֶלֶךְ גְּדוֹל הַתֻּשְׁבָּחוֹת, אֵל הַהוֹדָיוֹת, אֲדוֹן כָּל הַמַּעֲשִׂים, הַבּוֹחֵר בְּשִׁירֵי זִמְרָה, חֵי הָעוֹלָמִים.

אָ֣ז יָשִֽׁיר־מֹשֶׁה֩ וּבְנֵ֨י יִשְׂרָאֵ֜ל אֶת־הַשִּׁירָ֤ה הַזֹּאת֙ לַֽיהוָ֔ה וַיֹּֽאמְר֖וּ

לֵאמֹ֑ר; אָשִׁ֤ירָה לַֽיהוָה֙ כִּֽי־גָאֹ֣ה גָּאָ֔ה; ס֥וּס

וְרֹֽכְב֖וֹ רָמָ֥ה בַיָּֽם׃ עָזִּ֤י וְזִמְרָת֙ יָ֔הּ וַֽיְהִי־לִ֖י

לִֽישׁוּעָ֑ה; זֶ֤ה אֵלִי֙ וְאַנְוֵ֔הוּ; אֱלֹהֵ֥י

אָבִ֖י וַאֲרֹֽמְמֶֽנְהוּ׃ יְהוָ֖ה אִ֣ישׁ מִלְחָמָ֑ה יְהוָ֖ה

שְׁמֽוֹ׃ מַרְכְּבֹ֥ת פַּרְעֹ֛ה וְחֵיל֖וֹ יָרָ֣ה בַיָּ֑ם; וּמִבְחַ֥ר

שָֽׁלִשָׁ֖יו טֻבְּע֥וּ בְיַם־סֽוּף׃ תְּהֹמֹ֖ת יְכַסְיֻ֑מוּ יָֽרְד֥וּ בִמְצוֹלֹ֖ת כְּמוֹ־

אָֽבֶן׃ יְמִֽינְךָ֣ יְהוָ֔ה נֶאְדָּרִ֖י בַּכֹּ֑חַ; יְמִֽינְךָ֥

יְהוָ֖ה תִּרְעַ֥ץ אוֹיֵֽב׃ וּבְרֹ֥ב גְּאֽוֹנְךָ֖ תַּֽהֲרֹ֣ס

קָמֶ֑יךָ; תְּשַׁלַּח֙ חֲרֹ֣נְךָ֔ יֹֽאכְלֵ֖מוֹ כַּקַּֽשׁ׃ וּבְר֤וּחַ

אַפֶּ֨יךָ֙ נֶ֣עֶרְמוּ מַ֔יִם; נִצְּב֥וּ כְמוֹ־נֵ֖ד

נֹֽזְלִ֑ים; קָֽפְא֥וּ תְהֹמֹ֖ת בְּלֶב־יָֽם׃ אָמַ֥ר

אוֹיֵ֛ב אֶרְדֹּ֥ף אַשִּׂ֖יג; אֲחַלֵּ֣ק שָׁלָ֑ל תִּמְלָאֵ֣מוֹ

נַפְשִׁ֔י; אָרִ֣יק חַרְבִּ֔י תּֽוֹרִישֵׁ֖מוֹ יָדִֽי׃ נָשַׁ֥פְתָּ

בְרֽוּחֲךָ֖ כִּסָּ֣מוֹ יָ֑ם; צָֽלְלוּ֙ כַּֽעוֹפֶ֔רֶת בְּמַ֖יִם

אַדִּירִֽים׃ מִֽי־כָמֹ֤כָה בָּֽאֵלִם֙ יְהוָ֔ה; מִ֥י

כָּמֹ֖כָה נֶאְדָּ֣ר בַּקֹּ֑דֶשׁ; נוֹרָ֥א תְהִלֹּ֖ת עֹ֥שֵׂה

פֶֽלֶא׃ נָטִ֨יתָ֙ יְמִ֣ינְךָ֔ תִּבְלָעֵ֖מוֹ אָֽרֶץ׃ נָחִ֥יתָ

בְחַסְדְּךָ֖ עַם־ז֣וּ גָּאָ֑לְתָּ; נֵהַ֥לְתָּ בְעָזְּךָ֖ אֶל־נְוֵ֥ה

קָדְשֶֽׁךָ׃ שָֽׁמְע֥וּ עַמִּ֖ים יִרְגָּז֑וּן; חִ֣יל

אָחַ֔ז יֹֽשְׁבֵ֖י פְּלָֽשֶׁת׃ אָ֤ז נִבְהֲלוּ֙ אַלּוּפֵ֣י

אֱד֔וֹם; אֵילֵ֣י מוֹאָ֔ב יֹֽאחֲזֵ֖מוֹ רָ֑עַד; נָמֹ֕גוּ

כֹּ֖ל יֹֽשְׁבֵ֥י כְנָֽעַן׃ תִּפֹּ֨ל עֲלֵיהֶ֤ם אֵימָ֨תָה֙

וָפַ֔חַד; בִּגְדֹ֥ל זְרֽוֹעֲךָ֖ יִדְּמ֣וּ כָּאָ֑בֶן; עַד־

יַֽעֲבֹ֤ר עַמְּךָ֙ יְהוָ֔ה; עַֽד־יַעֲבֹ֖ר עַם־ז֥וּ

קָנִֽיתָ׃ תְּבִאֵ֗מוֹ וְתִטָּעֵ֨מוֹ֙ בְּהַ֣ר נַחֲלָֽתְךָ֔; מָכ֧וֹן

לְשִׁבְתְּךָ֛ פָּעַ֖לְתָּ יְהוָ֑ה; מִקְּדָ֕שׁ אֲדֹנָ֖י כּֽוֹנְנ֥וּ

יָדֶֽיךָ׃ יְהוָ֥ה ׀ יִמְלֹ֖ךְ לְעֹלָ֥ם וָעֶֽד׃ כִּ֣י

בָא֩ ס֨וּס פַּרְעֹ֜ה בְּרִכְבּ֤וֹ וּבְפָֽרָשָׁיו֙ בַּיָּ֔ם; וַיָּ֧שֶׁב יְהוָ֛ה עֲלֵהֶ֖ם

אֶת־מֵ֣י הַיָּ֑ם; וּבְנֵ֧י יִשְׂרָאֵ֛ל הָֽלְכ֥וּ בַיַּבָּשָׁ֖ה בְּת֥וֹךְ הַיָּֽם׃

Píseň moře:

הַֽאֲזִ֥ינוּ הַשָּׁמַ֖יִם וַֽאֲדַבֵּ֑רָה; וְתִשְׁמַ֥ע הָאָ֖רֶץ אִמְרֵי־פִֽי׃

יַֽעֲרֹ֤ף כַּמָּטָר֙ לִקְחִ֔י; תִּזַּ֥ל כַּטַּ֖ל אִמְרָתִ֑י

כִּשְׂעִירִ֣ם עֲלֵי־דֶ֔שֶׁא; וְכִרְבִיבִ֖ים עֲלֵי־עֵֽשֶׂב׃

כִּ֛י שֵׁ֥ם יְהוָ֖ה אֶקְרָ֑א; הָב֥וּ גֹ֖דֶל לֵֽאלֹהֵֽינוּ׃

הַצּוּר֙ תָּמִ֣ים פָּֽעֳל֔וֹ; כִּ֥י כָל־דְּרָכָ֖יו מִשְׁפָּ֑ט

אֵ֤ל אֱמוּנָה֙ וְאֵ֣ין עָ֔וֶל; צַדִּ֥יק וְיָשָׁ֖ר הֽוּא׃

שִׁחֵ֥ת ל֛וֹ לֹ֖א בָּנָ֣יו מוּמָ֑ם; דּ֥וֹר עִקֵּ֖שׁ וּפְתַלְתֹּֽל׃

הַ לְיְהוָה֙ תִּגְמְלוּ־זֹ֔את; עַ֥ם נָבָ֖ל וְלֹ֣א חָכָ֑ם

הֲלוֹא־הוּא֙ אָבִ֣יךָ קָּנֶ֔ךָ; ה֥וּא עָֽשְׂךָ֖ וַֽיְכֹנְנֶֽךָ׃

זְכֹר֙ יְמ֣וֹת עוֹלָ֔ם בִּ֖ינוּ שְׁנ֣וֹת דֹּר־וָדֹ֑ר; שְׁאַ֤ל אָבִ֨יךָ֙ וְיַגֵּ֔דְךָ זְקֵנֶ֖יךָ וְיֹ֥אמְרוּ לָֽךְ׃

בְּהַנְחֵ֤ל עֶלְיוֹן֙ גּוֹיִ֔ם; בְּהַפְרִיד֖וֹ בְּנֵ֣י אָדָ֑ם

יַצֵּב֙ גְּבֻלֹ֣ת עַמִּ֔ים; לְמִסְפַּ֖ר בְּנֵ֥י יִשְׂרָאֵֽל׃

כִּ֛י חֵ֥לֶק יְהוָ֖ה עַמּ֑וֹ; יַֽעֲקֹ֖ב חֶ֥בֶל נַֽחֲלָתֽוֹ׃

יִמְצָאֵ֨הוּ֙ בְּאֶ֣רֶץ מִדְבָּ֔ר; וּבְתֹ֖הוּ יְלֵ֣ל יְשִׁמֹ֑ן

יְסֹֽבְבֶ֨נְהוּ֙ יְב֣וֹנְנֵ֔הוּ; יִצְּרֶ֖נְהוּ כְּאִישׁ֥וֹן עֵינֽוֹ׃

כְּנֶ֨שֶׁר֙ יָעִ֣יר קִנּ֔וֹ עַל־גּֽוֹזָלָ֖יו יְרַחֵ֑ף; יִפְרֹ֤שׂ כְּנָפָיו֙ יִקָּחֵ֔הוּ יִשָּׂאֵ֖הוּ עַל־אֶבְרָתֽוֹ׃

יְהוָ֖ה בָּדָ֣ד יַנְחֶ֑נּוּ; וְאֵ֥ין עִמּ֖וֹ אֵ֥ל נֵכָֽר׃

יַרְכִּבֵ֨הוּ֙ עַל־בָּ֣מֳתֵי אָ֔רֶץ; וַיֹּאכַ֖ל תְּנוּבֹ֣ת שָׂדָ֑י

וַיֵּֽנִקֵ֤הֽוּ דְבַשׁ֙ מִסֶּ֔לַע; וְשֶׁ֖מֶן מֵֽחַלְמִ֥ישׁ צֽוּר׃

חֶמְאַ֨ת בָּקָ֜ר וַֽחֲלֵ֣ב צֹ֗אן; עִם־חֵ֨לֶב כָּרִ֜ים וְאֵילִ֤ים

בְּנֵֽי־בָשָׁן֙ וְעַתּוּדִ֔ים; עִם־חֵ֖לֶב כִּלְי֣וֹת חִטָּ֑ה

וְדַם־עֵנָ֖ב תִּשְׁתֶּה־חָֽמֶר׃ וַיִּשְׁמַ֤ן יְשֻׁרוּן֙ וַיִּבְעָ֔ט

שָׁמַ֖נְתָּ עָבִ֣יתָ כָּשִׂ֑יתָ; וַיִּטֹּשׁ֙ אֱל֣וֹהַּ עָשָׂ֔הוּ

וַיְנַבֵּ֖ל צ֥וּר יְשֻֽׁעָתֽוֹ׃ יַקְנִאֻ֖הוּ בְּזָרִ֑ים

בְּתֽוֹעֵבֹ֖ת יַכְעִיסֻֽהוּ׃ יִזְבְּח֗וּ לַשֵּׁדִים֙ לֹ֣א אֱלֹ֔הַּ

אֱלֹהִ֖ים לֹ֣א יְדָע֑וּם; חֲדָשִׁים֙ מִקָּרֹ֣ב בָּ֔אוּ

לֹ֥א שְׂעָר֖וּם אֲבֹֽתֵיכֶֽם׃ צ֥וּר יְלָֽדְךָ֖ תֶּ֑שִׁי

וַתִּשְׁכַּ֖ח אֵ֥ל מְחֹֽלְלֶֽךָ׃ וַיַּ֥רְא יְהוָ֖ה וַיִּנְאָ֑ץ

מִכַּ֥עַס בָּנָ֖יו וּבְנֹתָֽיו׃ וַיֹּ֗אמֶר אַסְתִּ֤ירָה פָנַי֙ מֵהֶ֔ם

אֶרְאֶ֖ה מָ֣ה אַֽחֲרִיתָ֑ם; כִּ֣י ד֤וֹר תַּהְפֻּכֹת֙ הֵ֔מָּה

בָּנִ֖ים לֹֽא־אֵמֻ֥ן בָּֽם׃ הֵ֚ם קִנְא֣וּנִי בְלֹא־אֵ֔ל

כִּֽעֲס֖וּנִי בְּהַבְלֵיהֶ֑ם; וַֽאֲנִי֙ אַקְנִיאֵ֣ם בְּלֹא־עָ֔ם

בְּג֥וֹי נָבָ֖ל אַכְעִיסֵֽם׃ כִּי־אֵשׁ֙ קָֽדְחָ֣ה בְאַפִּ֔י

וַתִּיקַ֖ד עַד־שְׁא֣וֹל תַּחְתִּ֑ית; וַתֹּ֤אכַל אֶ֨רֶץ֙ וִֽיבֻלָ֔הּ

וַתְּלַהֵ֖ט מֽוֹסְדֵ֥י הָרִֽים׃ אַסְפֶּ֥ה עָלֵ֖ימוֹ רָע֑וֹת

חִצַּ֖י אֲכַלֶּה־בָּֽם׃ מְזֵ֥י רָעָ֛ב וּלְחֻ֥מֵי רֶ֖שֶׁף

וְקֶ֣טֶב מְרִירִ֑י; וְשֶׁן־בְּהֵמֹת֙ אֲשַׁלַּח־בָּ֔ם

עִם־חֲמַ֖ת זֹֽחֲלֵ֥י עָפָֽר׃ מִחוּץ֙ תְּשַׁכֶּל־חֶ֔רֶב וּמֵֽחֲדָרִ֖ים אֵימָ֑ה גַּם־בָּחוּר֙

גַּם־בְּתוּלָ֔ה יוֹנֵ֖ק עִם־אִ֥ישׁ שֵׂיבָֽה׃ אָמַ֖רְתִּי אַפְאֵיהֶ֑ם

אַשְׁבִּ֥יתָה מֵֽאֱנ֖וֹשׁ זִכְרָֽם׃ לוּלֵ֗י כַּ֤עַס אוֹיֵב֙ אָג֔וּר

פֶּֽן־יְנַכְּר֖וּ צָרֵ֑ימוֹ; פֶּן־יֹֽאמְרוּ֙ יָדֵ֣נוּ רָ֔מָה

וְלֹ֥א יְהוָ֖ה פָּעַ֥ל כָּל־זֹֽאת׃ כִּי־ג֛וֹי אֹבַ֥ד עֵצ֖וֹת הֵ֑מָּה

וְאֵ֥ין בָּהֶ֖ם תְּבוּנָֽה׃ ל֥וּ חָֽכְמ֖וּ יַשְׂכִּ֣ילוּ זֹ֑את

יָבִ֖ינוּ לְאַֽחֲרִיתָֽם׃ אֵיכָ֞ה יִרְדֹּ֤ף אֶחָד֙ אֶ֔לֶף

וּשְׁנַ֖יִם יָנִ֣יסוּ רְבָבָ֑ה; אִם־לֹא֙ כִּֽי־צוּרָ֣ם מְכָרָ֔ם

וַֽיהוָ֖ה הִסְגִּירָֽם׃ כִּ֛י לֹ֥א כְצוּרֵ֖נוּ צוּרָ֑ם

וְאֹֽיְבֵ֖ינוּ פְּלִילִֽים׃ כִּֽי־מִגֶּ֤פֶן סְדֹם֙ גַּפְנָ֔ם

וּמִשַּׁדְמֹ֖ת עֲמֹרָ֑ה; עֲנָבֵ֨מוֹ֙ עִנְּבֵי־ר֔וֹשׁ

אַשְׁכְּלֹ֥ת מְרֹרֹ֖ת לָֽמוֹ׃ חֲמַ֥ת תַּנִּינִ֖ם יֵינָ֑ם

וְרֹ֥אשׁ פְּתָנִ֖ים אַכְזָֽר׃ הֲלֹא־ה֖וּא כָּמֻ֣ס עִמָּדִ֑י

חָת֖וּם בְּאֽוֹצְרֹתָֽי׃ לִ֤י נָקָם֙ וְשִׁלֵּ֔ם

לְעֵ֖ת תָּמ֣וּט רַגְלָ֑ם; כִּ֤י קָרוֹב֙ י֣וֹם אֵידָ֔ם

וְחָ֖שׁ עֲתִדֹ֥ת לָֽמוֹ׃ כִּֽי־יָדִ֤ין יְהוָה֙ עַמּ֔וֹ

וְעַל־עֲבָדָ֖יו יִתְנֶחָ֑ם; כִּ֤י יִרְאֶה֙ כִּֽי־אָ֣זְלַת יָ֔ד

וְאֶ֖פֶס עָצ֥וּר וְעָזֽוּב׃ וְאָמַ֖ר אֵ֣י אֱלֹהֵ֑ימוֹ

צ֖וּר חָסָ֥יוּ בֽוֹ׃ אֲשֶׁ֨ר חֵ֤לֶב זְבָחֵ֨ימוֹ֙ יֹאכֵ֔לוּ

יִשְׁתּ֖וּ יֵ֣ין נְסִיכָ֑ם; יָק֨וּמוּ֙ וְיַעְזְרֻכֶ֔ם

יְהִ֥י עֲלֵיכֶ֖ם סִתְרָֽה׃ רְא֣וּ ׀ עַתָּ֗ה כִּ֣י אֲנִ֤י אֲנִי֙ ה֔וּא

וְאֵ֥ין אֱלֹהִ֖ים עִמָּדִ֑י; אֲנִ֧י אָמִ֣ית וַֽאֲחַיֶּ֗ה

מָחַ֨צְתִּי֙ וַֽאֲנִ֣י אֶרְפָּ֔א; וְאֵ֥ין מִיָּדִ֖י מַצִּֽיל׃

כִּֽי־אֶשָּׂ֥א אֶל־שָׁמַ֖יִם יָדִ֑י; וְאָמַ֕רְתִּי חַ֥י אָֽנֹכִ֖י לְעֹלָֽם׃

אִם־שַׁנּוֹתִי֙ בְּרַ֣ק חַרְבִּ֔י; וְתֹאחֵ֥ז בְּמִשְׁפָּ֖ט יָדִ֑י

אָשִׁ֤יב נָקָם֙ לְצָרָ֔י; וְלִמְשַׂנְאַ֖י אֲשַׁלֵּֽם׃

אַשְׁכִּ֤יר חִצַּי֙ מִדָּ֔ם; וְחַרְבִּ֖י תֹּאכַ֣ל בָּשָׂ֑ר

מִדַּ֤ם חָלָל֙ וְשִׁבְיָ֔ה; מֵרֹ֖אשׁ פַּרְע֥וֹת אוֹיֵֽב׃

הַרְנִ֤ינוּ גוֹיִם֙ עַמּ֔וֹ; כִּ֥י דַם־עֲבָדָ֖יו יִקּ֑וֹם

וְנָקָם֙ יָשִׁ֣יב לְצָרָ֔יו; וְכִפֶּ֥ר אַדְמָת֖וֹ עַמּֽוֹ׃

Píseň Ha'azinu:

בָּרוּךְ אַתָּה יְהוָה אֱלֹהֵינוּ מֶלֶךְ הָעוֹלָם, יוֹצֵר אוֹר וּבוֹרֵא חֹשֶׁךְ עוֹשֶׂה שָׁלוֹם וּבוֹרֵא אֶת הַכֹּל; הַמֵּאִיר לָאָרֶץ וְלַדָּרִין עָלֶיהָ, הַמְחַדֵּשׁ בְּכָל יוֹם תָּמִיד מַעֲשֵׂה בְרֵאשִׁית. מָה רַבּוּ מַעֲשֶׂיךָ יְהוָה, כֻּלָּם בְּחָכְמָה עָשִׂיתָ; מָלְאָה הָאָרֶץ, קִנְיָנֶיךָ. הַמֶּלֶךְ הַמְּרוֹמָם שְׁמוֹ לְבַדּוֹ מֵאָז, הַמְּשֻׁבָּח הַמְּפֹאָר הַמִּתְנַשֵּׂא וְטוֹב מִיְּמוֹת עוֹלָם. אֱלֹהֵי עוֹלָם מַלְכֵּנוּ, בְּרַחֲמֶיךָ הָרַבִּים רַחֵם עָלֵינוּ, אֲדוֹן עֻזֵּנוּ צוּר מִשְׂגַּבֵּנוּ, מָגֵן יִשְׁעֵנוּ מִשְׂגָּב בַּעֲדֵנוּ.

לְאֵל בָּרוּךְ נְעִימוֹת יִתֵּנוּ, לְמֶלֶךְ אֵל חַי וְקַיָּם זְמִירוֹת יֹאמֵרוּ וְתֻשְׁבָּחוֹת יַשְׁמִיעוּ, כִּי הוּא לְבַדּוֹ פּוֹעֵל גְּבוּרוֹת עוֹשֶׂה חֲדָשׁוֹת זוֹרֵעַ צְדָקוֹת מַצְמִיחַ יְשׁוּעוֹת, אֲדוֹן נִפְלָאוֹת מְחַדֵּשׁ בְּכָל יוֹם תָּמִיד מַעֲשֵׂה בְרֵאשִׁית--כָּאָמוּר לְעֹשֵׂה, אוֹרִים גְּדֹלִים: כִּי לְעוֹלָם חַסְדּוֹ--, הִתְקַנְתָּ מְאוֹרוֹת, לְשַׂמֵּחַ עוֹלָם. בָּרוּךְ אַתָּה יְהוָה, יוֹצֵר הַמְּאוֹרוֹת.

אַהֲבַת עוֹלָם אֲהַבְתָּנוּ, יְהוָה אֱלֹהֵינוּ; חֶמְלָה גְדוֹלָה יְתֵרָה, חָמַלְתָּ עָלֵינוּ. אָבִינוּ מַלְכֵּנוּ, בַּעֲבוּר שְׁמָךְ וּבַעֲבוּר אֲבוֹתֵינוּ אֲשֶׁר בָּטְחוּ בָךְ, וַתְּלַמְּדֵנוּ חֻקֵּי חַיִּים, כֵּן תְּחָנֵּנוּ אָבִינוּ אָב הָרַחֲמָן. הַמְרַחֵם רַחֵם נָא עָלֵינוּ, וְתֶן בְּלִבֵּנוּ לְהָבִין לְהַשְׂכִּיל לִשְׁמֹעַ לִלְמֹד וּלְלַמֵּד לִשְׁמֹר וְלַעֲשׂוֹת וּלְקַיֵּם אֶת כָּל דִּבְרֵי תַלְמוּד תּוֹרָתְךָ בְּאַהֲבָה

וְהָאֵר עֵינֵינוּ בְּמִצְווֹתֶיךָ וְדַבֵּק בְּלִבֵּנוּ יִרְאָתֶךָ, וְיַחֵד לְבָבֵנוּ לְאַהֲבָה אֶת שְׁמֶךָ. וּמְלֹךְ עָלֵינוּ מְהֵרָה אַתָּה לְבַדֶּךָ, כִּי שֵׁם קָדְשְׁךָ בֱּאֱמֶת נִקְרָא עָלֵינוּ; בַּעֲבוּר שְׁמָךְ הָאֵל הַגָּדוֹל הַגִּבּוֹר וְהַנּוֹרָא, מְהֵרָה בְּאַהֲבָה תָרִים קַרְנֵנוּ וְתוֹשִׁיעֵנוּ לְמַעַן שְׁמֶךָ. בָּךְ בָּטַחְנוּ לֹא נֵבוֹשׁ, וּבְשִׁמְךָ חָסִינוּ לֹא נִכָּלֵם וְלֹא נִכָּשֵׁל עַד עוֹלְמֵי עַד: כִּי אָבִינוּ מַלְכֵּנוּ אָתָּה, נָגִילָה וְנִשְׂמְחָה בִּישׁוּעָתֶךָ.

רַחֲמֶיךָ יְהוָה אֱלֹהֵינוּ וַחֲסָדֶיךָ, אַל יַעַזְבוּנוּ נֵצַח סֶלָה וָעֶד; וְהָבֵא עָלֵינוּ בְּרָכָה וְשָׁלוֹם מֵאַרְבַּע כַּנְפוֹת הָאָרֶץ, וְהוֹלִיכֵנוּ מְהֵרָה קוֹמְמִיּוּת לְאַרְצֵנוּ. כִּי בָנוּ בָחַרְתָּ מִכָּל עָם וְלָשׁוֹן, וְקֵרַבְתָּנוּ לְשִׁמְךָ הַגָּדוֹל, לְהוֹדוֹת לָךְ וּלְיַחֲדָךְ וּלְרוֹמְמָךְ, וּלְאַהֲבָה אֶת שְׁמָךְ. בָּרוּךְ אַתָּה יְהוָה, הַבּוֹחֵר בְּעַמּוֹ יִשְׂרָאֵל בְּאַהֲבָה.

שְׁמַ֖ע יִשְׂרָאֵ֑ל יְהוָ֥ה אֱלֹהֵ֖ינוּ יְהוָ֥ה ׀ אֶחָֽד׃

בָּרוּךְ שֵׁם כְּבוֹד מַלְכוּתוֹ לְעוֹלָם וָעֶד.

Potichu: 

וְאָ֣הַבְתָּ֔ אֵ֖ת יְהוָ֣ה אֱלֹהֶ֑יךָ בְּכָל־לְבָֽבְךָ֥ וּבְכָל־נַפְשְׁךָ֖ וּבְכָל־מְאֹדֶֽךָ׃ וְהָי֞וּ הַדְּבָרִ֣ים הָאֵ֗לֶּה אֲשֶׁ֨ר אָֽנֹכִ֧י מְצַוְּךָ֛ הַיּ֖וֹם עַל־לְבָבֶֽךָ׃ וְשִׁנַּנְתָּ֣ם לְבָנֶ֔יךָ וְדִבַּרְתָּ֖ בָּ֑ם בְּשִׁבְתְּךָ֤ בְּבֵיתֶ֨ךָ֙ וּבְלֶכְתְּךָ֣ בַדֶּ֔רֶךְ וּֽבְשָׁכְבְּךָ֖ וּבְקוּמֶֽךָ׃ וּקְשַׁרְתָּ֥ם לְא֖וֹת עַל־יָדֶ֑ךָ וְהָי֥וּ לְטֹֽטָפֹ֖ת בֵּ֥ין עֵינֶֽיךָ׃ וּכְתַבְתָּ֛ם עַל־מְזֻז֥וֹת בֵּיתֶ֖ךָ וּבִשְׁעָרֶֽיךָ׃

וְהָיָ֗ה אִם־שָׁמֹ֤עַ תִּשְׁמְעוּ֙ אֶל־מִצְוֺתַ֔י אֲשֶׁ֧ר אָֽנֹכִ֛י מְצַוֶּ֥ה אֶתְכֶ֖ם הַיּ֑וֹם לְאַֽהֲבָ֞ה אֶת־יְהוָ֤ה אֱלֹֽהֵיכֶם֙ וּלְעָבְד֔וֹ בְּכָל־לְבַבְכֶ֖ם וּבְכָל־נַפְשְׁכֶֽם׃ וְנָֽתַתִּ֧י מְטַֽר־אַרְצְכֶ֛ם בְּעִתּ֖וֹ יוֹרֶ֣ה וּמַלְק֑וֹשׁ וְאָֽסַפְתָּ֣ דְגָנֶ֔ךָ וְתִֽירֹשְׁךָ֖ וְיִצְהָרֶֽךָ׃ וְנָֽתַתִּ֛י עֵ֥שֶׂב בְּשָֽׂדְךָ֖ לִבְהֶמְתֶּ֑ךָ וְאָֽכַלְתָּ֖ וְשָׂבָֽעְתָּ׃ הִשָּֽׁמְר֣וּ לָכֶ֔ם פֶּ֥ן יִפְתֶּ֖ה לְבַבְכֶ֑ם וְסַרְתֶּ֗ם וַֽעֲבַדְתֶּם֙ אֱלֹהִ֣ים אֲחֵרִ֔ים וְהִשְׁתַּֽחֲוִיתֶ֖ם לָהֶֽם׃ וְחָרָ֨ה אַף־יְהוָ֜ה בָּכֶ֗ם וְעָצַ֤ר אֶת־הַשָּׁמַ֨יִם֙ וְלֹֽא־יִהְיֶ֣ה מָטָ֔ר וְהָ֣אֲדָמָ֔ה לֹ֥א תִתֵּ֖ן אֶת־יְבוּלָ֑הּ וַֽאֲבַדְתֶּ֣ם מְהֵרָ֗ה מֵעַל֙ הָאָ֣רֶץ הַטֹּבָ֔ה אֲשֶׁ֥ר יְהוָ֖ה נֹתֵ֥ן לָכֶֽם׃ וְשַׂמְתֶּם֙ אֶת־דְּבָרַ֣י אֵ֔לֶּה עַל־לְבַבְכֶ֖ם וְעַֽל־נַפְשְׁכֶ֑ם וּקְשַׁרְתֶּ֨ם אֹתָ֤ם לְאוֹת֙ עַל־יֶדְכֶ֔ם וְהָי֥וּ לְטֽוֹטָפֹ֖ת בֵּ֥ין עֵֽינֵיכֶֽם׃ וְלִמַּדְתֶּ֥ם אֹתָ֛ם אֶת־בְּנֵיכֶ֖ם לְדַבֵּ֣ר בָּ֑ם בְּשִׁבְתְּךָ֤ בְּבֵיתֶ֨ךָ֙ וּבְלֶכְתְּךָ֣ בַדֶּ֔רֶךְ וּֽבְשָׁכְבְּךָ֖ וּבְקוּמֶֽךָ׃ וּכְתַבְתָּ֛ם עַל־מְזוּז֥וֹת בֵּיתֶ֖ךָ וּבִשְׁעָרֶֽיךָ׃ לְמַ֨עַן יִרְבּ֤וּ יְמֵיכֶם֙ וִימֵ֣י בְנֵיכֶ֔ם עַ֚ל הָֽאֲדָמָ֔ה אֲשֶׁ֨ר נִשְׁבַּ֧ע יְהוָ֛ה לַאֲבֹֽתֵיכֶ֖ם לָתֵ֣ת לָהֶ֑ם כִּימֵ֥י הַשָּׁמַ֖יִם עַל־הָאָֽרֶץ׃

וַיֹּ֥אמֶר יְהוָ֖ה אֶל־מֹשֶׁ֥ה לֵּאמֹֽר׃ דַּבֵּ֞ר אֶל־בְּנֵ֤י יִשְׂרָאֵל֙ וְאָֽמַרְתָּ֣ אֲלֵהֶ֔ם וְעָשׂ֨וּ לָהֶ֥ם צִיצִ֛ת עַל־כַּנְפֵ֥י בִגְדֵיהֶ֖ם לְדֹֽרֹתָ֑ם וְנָ֥תְנ֛וּ עַל־צִיצִ֥ת הַכָּנָ֖ף פְּתִ֥יל תְּכֵֽלֶת׃ וְהָיָ֣ה לָכֶם֮ לְצִיצִת֒ וּרְאִיתֶ֣ם אֹת֗וֹ וּזְכַרְתֶּם֙ אֶת־כָּל־מִצְוֺ֣ת יְהוָ֔ה וַֽעֲשִׂיתֶ֖ם אֹתָ֑ם וְלֹֽא־תָת֜וּרוּ אַֽחֲרֵ֤י לְבַבְכֶם֙ וְאַֽחֲרֵ֣י עֵֽינֵיכֶ֔ם אֲשֶׁר־אַתֶּ֥ם זֹנִ֖ים אַֽחֲרֵיהֶֽם׃ לְמַ֣עַן תִּזְכְּר֔וּ וַֽעֲשִׂיתֶ֖ם אֶת־כָּל־מִצְוֺתָ֑י וִֽהְיִיתֶ֥ם קְדֹשִׁ֖ים לֵֽאלֹהֵיכֶֽם׃ אֲנִ֞י יְהוָ֣ה אֱלֹֽהֵיכֶ֗ם אֲשֶׁ֨ר הוֹצֵ֤אתִי אֶתְכֶם֙ מֵאֶ֣רֶץ מִצְרַ֔יִם לִֽהְי֥וֹת לָכֶ֖ם לֵֽאלֹהִ֑ים אֲנִ֖י יְהוָ֥ה אֱלֹֽהֵיכֶֽם׃

אֱמֶת וְיַצִּיב, נָכוֹן וְקַיָּם, יָשָׁר וְנֶאֱמָן, אָהוּב וְחַבִּיב, נֶחְמָד וְנָעִים, נוֹרָא וְאַדִּיר, מְתֻקָּן וּמְקֻבָּל, טוֹב וְיָפֶה הַדָּבָר הַזֶּה עָלֵינוּ--לְעוֹלָם וָעֶד.

אֱמֶת--אֱלֹהֵי עוֹלָם מַלְכֵּנוּ, צוּר יַעֲקֹב מָגֵן יִשְׁעֵנוּ; לְדוֹר וָדוֹר הוּא קַיָּם וּשְׁמוֹ קַיָּם, כִּסְאוֹ נָכוֹן וּמַלְכוּתוֹ וֶאֱמוּנָתוֹ קַיֶּמֶת. וּדְבָרָיו חַיִּים וְנֶאֱמָנִים לָעַד, וּלְעוֹלְמֵי עוֹלָמִים: עָלֵינוּ וְעַל אֲבוֹתֵינוּ, עַל בָּנֵינוּ וְעַל כָּל דּוֹרוֹתֵינוּ; עַל הָרִאשׁוֹנִים, וְעַל הָאַחֲרוֹנִים--דָּבָר טוֹב וְקַיָּם בֶּאֱמֶת, חֹק וְלֹא יַעֲבֹר.

אֱמֶת--שֶׁאַתָּה הוּא יְהוָה אֱלֹהֵינוּ וֵאלֹהֵי אֲבוֹתֵינוּ, מַלְכֵּנוּ וּמֶלֶךְ אֲבוֹתֵינוּ, גּוֹאֲלֵנוּ וְגוֹאֵל אֲבוֹתֵינוּ, יוֹצְרֵנוּ וְצוּר יְשׁוּעָתֵנוּ, פּוֹדֵנוּ וּמַצִּילֵנוּ מֵעוֹלָם הוּא שְׁמֶךָ, וְאֵין לָנוּ אֱלֹהִים עוֹד זוּלָתֶךָ

עֶזְרַת אֲבוֹתֵינוּ אַתָּה הוּא מֵעוֹלָם, מָגֵן וּמוֹשִׁיעַ לִבְנֵיהֶם אַחֲרֵיהֶם בְּכָל דּוֹר וָדוֹר. בְּרוּם עוֹלָם מוֹשָׁבֶךָ, וּמִשְׁפָּטֶיךָ וְצִדְקָתְךָ עַד אַפְסֵי אָרֶץ.

אֱמֶת--אַשְׁרֵי אִישׁ אֲשֶׁר יִשְׁמַע אֶל מִצְווֹתֶיךָ, וְתוֹרָתְךָ וּדְבָרְךָ יָשִׂים עַל לִבּוֹ;

אֱמֶת--אַתָּה הוּא אָדוֹן לְעַמָּךְ, וּמֶלֶךְ גִּבּוֹר לָרִיב רִיבָם לְאָבוֹת וּבָנִים;

אֱמֶת--אַתָּה הוּא רִאשׁוֹן וְאַתָּה הוּא אַחֲרוֹן, וּמִבַּלְעָדֶיךָ אֵין לָנוּ מוֹשִׁיעַ.

אֱמֶת--מִמִּצְרַיִם גְּאַלְתָּנוּ, יְהוָה אֱלֹהֵינוּ: מִבֵּית עֲבָדִים פְּדִיתָנוּ, וְכָל בְּכוֹרֵי מִצְרַיִם בַּדֶּבֶר הָרַגְתָּ, וּבְכוֹרְךָ גָּאַלְתָּ, וְיַם סוּף בָּקַעְתָּ, וְזֵדִים טִבַּעְתָּ, וִידִידִים עָבְרוּ מִיָּם, וַיְכַסּוּ מַיִם צָרֵיהֶם עַד אֶחָד מֵהֶם לֹא נוֹתָר.

וְעַל זֹאת שִׁבְּחוּ גְאוּלִים, וְרוֹמְמוּ לָאֵל; וְנָתְנוּ יְדִידִים שִׁירוֹת זְמִירוֹת, תֻּשְׁבָּחוֹת לְמֶלֶךְ אֵל חַי וְקַיָּם. רָם וְנִשָּׂא, גָּדוֹל גִּבּוֹר וְנוֹרָא, מַשְׁפִּיל גֵּאִים, עֲדֵי אָרֶץ. מַגְבִּיהַּ שְׁפָלִים עַד מָרוֹם, מוֹצִיא אֲסִירִים, וּפוֹדֶה עֲנָוִים, וְעוֹזֵר דַּלִּים, וְעוֹנֶה לְעַמּוֹ יִשְׂרָאֵל בְּעֵת שַׁוְּעָם אֵלָיו; תְּהִלָּה לְאֵל עֶלְיוֹן, בָּרוּךְ הוּא. מֹשֶׁה וְכָל בְּנֵי יִשְׂרָאֵל, לְךָ אָמְרוּ שִׁירָה--בְּשִׂמְחָה רַבָּה, אָמְרוּ כֻלָּם:

מִֽי־כָמֹ֤כָה בָּֽאֵלִם֙ יְהוָ֔ה; מִ֥י

כָּמֹ֖כָה נֶאְדָּ֣ר בַּקֹּ֑דֶשׁ; נוֹרָ֥א תְהִלֹּ֖ת עֹ֥שֵׂה

פֶֽלֶא׃ יְהוָ֥ה ׀ יִמְלֹ֖ךְ לְעֹלָ֥ם וָעֶֽד׃ וְנֶאֱמָר גֹּֽאֲלֵ֕נוּ יְהוָ֥ה צְבָא֖וֹת שְׁמ֑וֹ קְד֖וֹשׁ יִשְׂרָאֵֽל׃ בָּרוּךְ אַתָּה יְהוָה, גָּאַל יִשְׂרָאֵל.

אֲ֭דֹנָי שְׂפָתַ֣י תִּפְתָּ֑ח; וּ֝פִ֗י יַגִּ֥יד תְּהִלָּתֶֽךָ׃

(א) בָּרוּךְ אַתָּה יְהוָה, אֱלֹהֵינוּ וֵאלֹהֵי אֲבוֹתֵינוּ, אֱלֹהֵי אַבְרָהָם אֱלֹהֵי יִצְחָק וֵאלֹהֵי יַעֲקֹב, הָאֵל הַגָּדוֹל הַגִּבּוֹר וְהַנּוֹרָא. אֵל עֶלְיוֹן, גּוֹמֵל חֲסָדִים טוֹבִים וְקוֹנֵה הַכֹּל, וְזוֹכֵר חַסְדֵי אָבוֹת וּמֵבִיא גוֹאֵל לִבְנֵי בְנֵיהֶם,

Během Deseti dnů pokání lze přidat:

זָכְרֵנוּ לְחַיִּים אֵל מֶלֶךְ חָפֵץ בַּחַיִּים, כָּתְבֵנוּ בְּסֵפֶר חַיִּים לְמַעֲנָךְ אֱלֹהִים חַיִּים,

מֶלֶךְ רַחֲמָן (וּ)מוֹשִׁיעַ וּמָגֵן. בָּרוּךְ אַתָּה יְהוָה, מָגֵן אַבְרָהָם.

(ב) אַתָּה גִּבּוֹר לְעוֹלָם יְהוָה, מְחַיֶּה מֵתִים אַתָּה רַב לְהוֹשִׁיעַ, 

Zima: מַשִּׁיב הָרוּחַ מוֹרִיד הַגֶּשֶׁם)

Léto: מוֹרִיד הַטָּל), מְכַלְכֵּל חַיִּים בְּחֶסֶד. מְחַיֶּה מֵתִים בְּרַחֲמִים רַבִּים, רוֹפֵא חוֹלִים, וְסוֹמֵךְ נוֹפְלִים וּמַתִּיר אֲסוּרִים, וּמְקַיֵּם אֱמוּנָתוֹ לִישֵׁנֵי עָפָר. מִי כָמוֹךָ בַּעַל גְּבוּרוֹת, וּמִי דוֹמֶה לָךְ מֵמִית וּמְחַיֶּה,

Během Deseti dnů pokání lze přidat:

מִי כָמוֹךָ אָב הָרַחֲמָן, זוֹכֵר יְצוּרָיו בְּרַחֲמִים לְחַיִּים,

וְנֶאֱמָן אַתָּה, לְהַחֲיוֹת מֵתִים. בָּרוּךְ אַתָּה יְהוָה, מְחַיֶּה הַמֵּתִים.

(ג) אַתָּה קָדוֹשׁ, וְשִׁמְךָ קָדוֹשׁ, וּקְדוֹשִׁים בְּכָל יוֹם יְהַלְלוּךָ, סֶלָה.* בָּרוּךְ אַתָּה יְהוָה, הָאֵל הַקָּדוֹשׁ.

(ד) אַתָּה חוֹנֵן לָאָדָם דַּעַת, וּמְלַמֵּד לֶאֱנוֹשׁ בִּינָה; חָנֵּנוּ מֵאִתָּךְ דֵּעָה, וּבִינָה וְהַשְׂכֵּל. בָּרוּךְ אַתָּה יְהוָה, חוֹנֵן הַדַּעַת.

(ה) הֲשִׁיבֵנוּ אָבִינוּ לְתוֹרָתֶךָ, וְקָרְבֵנוּ מַלְכֵּנוּ לַעֲבוֹדָתֶךָ, וְהַחְזִירֵנוּ בִּתְשׁוּבָה שְׁלֵמָה, לְפָנֶיךָ. בָּרוּךְ אַתָּה יְהוָה, הָרוֹצֶה בַּתְּשׁוּבָה.

(ו) סְלַח לָנוּ אָבִינוּ כִּי חָטָאנוּ, מְחֹל לָנוּ מַלְכֵּנוּ כִּי פָשָׁעְנוּ, כִּי אֵל טוֹב וְסַלָּח, אָתָּה. בָּרוּךְ אַתָּה יְהוָה, חַנּוּן וּמַרְבֶּה לִסְלֹחַ.

(ז) רְאֵה בְעָנְיֵנוּ, וְרִיבָה רִיבֵנוּ, וּמַהֵר לְגָאֳלֵנוּ, כִּי אֵל מֶלֶךְ גּוֹאֵל חָזָק אָתָּה. בָּרוּךְ אַתָּה יְהוָה, גּוֹאֵל יִשְׂרָאֵל.

(ח) רְפָאֵנוּ יְהוָה אֱלֹהֵינוּ וְנֵרָפֵא, הוֹשִׁיעֵנוּ וְנִוָּשֵׁעָה, וְהַעֲלֵה רְפוּאָה שְׁלֵמָה לְכָל תַּחֲלוּאֵינוּ, כִּי אֵל רוֹפֵא רַחֲמָן אָתָּה. בָּרוּךְ אַתָּה יְהוָה, רוֹפֵא חוֹלֵי עַמּוֹ יִשְׂרָאֵל.

ט) Zima: בָּרְכֵנוּ יְהוָה אֱלֹהֵינוּ בְּכָל מַעֲשֵׂה יָדֵינוּ, וּבָרֵךְ אֶת שְׁנוֹתֵינוּ וְתֶן טָל וּמָטָר עַל פְּנֵי הָאֲדָמָה, וְשַׂבַּע אֶת הָעוֹלָם כֻּלּוֹ מִטּוּבָךְ, וְרַוֵּה פְּנֵי תֵבֵל מֵעֹשֶׁר מַתְּנוֹת יָדֶיךָ. וְשָׁמְרָה וְהַצִּילָה יְהוָה אֱלֹהֵינוּ אֶת הַשָּׁנָה הַזֹּאת וְאֶת כָּל מִינֵי תְבוּאָתָהּ, מִכָּל מִינֵי מַשְׁחִית וּמִכָּל מִינֵי פֻרְעָנוּת; וְתֶן לָהּ אַחֲרִית וְתִקְוָה שֹׂבַע וְשָׁלוֹם וּבְרָכָה, כַּשָּׁנִים הַטּוֹבוֹת. בָּרוּךְ אַתָּה יְהוָה, מְבָרֵךְ הַשָּׁנִים.

Léto: בָּרְכֵנוּ יְהוָה אֱלֹהֵינוּ, בְּכָל מַעֲשֵׂה יָדֵינוּ, וּבָרֵךְ אֶת שְׁנוֹתֵינוּ בְּטַלְלֵי רָצוֹן בְּרָכָה וּנְדָבָה, כַּשָּׁנִים הַטּוֹבוֹת. בָּרוּךְ אַתָּה יְהוָה, מְבָרֵךְ הַשָּׁנִים.

(י) תְּקַע בְּשׁוֹפָר גָּדוֹל לְחֵרוּתֵנוּ, וְשָׂא נֵס לְקַבֵּץ אֶת כָּל גָּלִיּוֹתֵינוּ, מֵאַרְבַּע כַּנְפוֹת הָאָרֶץ, לְאַרְצֵנוּ. בָּרוּךְ אַתָּה יְהוָה, מְקַבֵּץ נִדְחֵי עַמּוֹ יִשְׂרָאֵל.

(יא) הָשִׁיבָה שׁוֹפְטֵינוּ כְּבָרִאשׁוֹנָה, וְיוֹעֲצֵינוּ כְּבַתְּחִלָּה, וְהָסֵר מִמֶּנּוּ יָגוֹן וַאֲנָחָה, וּמְלֹךְ עָלֵינוּ אַתָּה לְבַדֶּךָ בְּרַחֲמִים בְּצֶדֶק וּבְמִשְׁפָּט.* בָּרוּךְ אַתָּה יְהוָה, מֶלֶךְ אוֹהֵב צְדָקָה וּמִשְׁפָּט.

(יב) לַמְּשֻׁמָּדִים אַל תְּהִי תִקְוָה, כָּל הַמִּינִים כְּרֶגַע יֹאבֵדוּ, וּמַלְכוּת זָדוֹן תַּעֲקֹר וְתִשְׁבֹּר, מְהֵרָה בְּיָמֵינוּ. בָּרוּךְ אַתָּה יְהוָה, שׁוֹבֵר אוֹיְבִים וּמַכְנִיעַ זֵדִים.

(יג) עַל הַצַּדִּיקִים וְעַל הַחֲסִידִים וְעַל גֵּרֵי הַצֶּדֶק, וְעַל שְׁאֵרִית עַמְּךָ בֵּית יִשְׂרָאֵל, יֶהֱמוּ רַחֲמֶיךָ יְהוָה אֱלֹהֵינוּ, וְתֶן שָׂכָר טוֹב לְכָל הַבּוֹטְחִים בְּשִׁמְךָ בֶּאֱמֶת; וְשִׂים חֶלְקֵנוּ עִמָּהֶם לְעוֹלָם, לֹא נֵבוֹשׁ, כִּי בְשִׁמְךָ בָטַחְנוּ, וְלִישׁוּעָתְךָ נִשְׁעַנּוּ. בָּרוּךְ אַתָּה יְהוָה, מִשְׁעָן וּמִבְטָח לַצַּדִּיקִים.

(יד) תִּשְׁכֹּן בְּתוֹךְ יְרוּשָׁלַיִם עִירָךְ, כַּאֲשֶׁר דִּבַּרְתָּ, וּבְנֵה אוֹתָהּ בִּנְיַן עוֹלָם, בִּמְהֵרָה בְּיָמֵינוּ. בָּרוּךְ אַתָּה יְהוָה, בּוֹנֵה יְרוּשָׁלָיִם.

(טו) אֶת צֶמַח דָּוִיד, מְהֵרָה תַצְמִיחַ, וְקַרְנוֹ, תָּרוּם בִּישׁוּעָתֶךָ. בָּרוּךְ אַתָּה יְהוָה, מַצְמִיחַ קֶרֶן הַיְשׁוּעָה.

(טז) שְׁמַע קוֹלֵנוּ יְהוָה אֱלֹהֵינוּ, חוּס וְרַחֵם עָלֵינוּ וְקַבֵּל בְּרַחֲמִים וְרָצוֹן אֶת תְּפִלָּתֵנוּ; מִלְּפָנֶיךָ מַלְכֵּנוּ, רֵיקָם אַל תְּשִׁיבֵנוּ: כִּי אַתָּה, שׁוֹמֵעַ תְּפִלַּת כָּל פֶּה. בָּרוּךְ אַתָּה יְהוָה, שׁוֹמֵעַ תְּפִלָּה.

(יז) רְצֵה יְהוָה אֱלֹהֵינוּ בְּעַמְּךָ יִשְׂרָאֵל וְלִתְפִלָּתָם שְׁעֵה, וְהָשֵׁב הָעֲבוֹדָה לִדְבִיר בֵּיתֶךָ, וְאִשֵּׁי יִשְׂרָאֵל וּתְפִלָּתָם מְהֵרָה בְּאַהֲבָה תְקַבֵּל בְּרָצוֹן, וּתְהִי לְרָצוֹן תָּמִיד עֲבוֹדַת יִשְׂרָאֵל עַמֶּךָ.

וְתִרְצֵנוּ, וְתֶחֱזֶינָה עֵינֵינוּ בְּשׁוּבְךָ לְנָוְךָ, לְצִיּוֹן בְּרַחֲמִים, כְּמֵאָז. בָּרוּךְ אַתָּה יְהוָה, הַמַּחְזִיר שְׁכִינָתוֹ לְצִיּוֹן.

(יח) מוֹדִים אֲנַחְנוּ לָךְ: שֶׁאַתָּה הוּא יְהוָה אֱלֹהֵינוּ, צוּר חַיֵּינוּ מָגֵן יִשְׁעֵנוּ, אַתָּה הוּא, לְדוֹר וָדוֹר. נוֹדֶה לָךְ וּנְסַפֵּר תְּהִלָּתֶךָ עַל חַיֵּינוּ הַמְּסוּרִין בְּיָדֶיךָ, וְעַל נִשְׁמוֹתֵינוּ הַפְּקוּדוֹת לָךְ, עַל נִסֶּיךָ וְנִפְלְאוֹתֶיךָ שֶׁבְּכָל עֵת וָעֵת, עֶרֶב וָבֹקֶר וְצָהֳרָיִם.

הַטּוֹב כִּי לֹא כָלוּ רַחֲמֶיךָ, הַמְרַחֵם כִּי לֹא תַמּוּ חֲסָדֶיךָ, כָּל הַחַיִּים יְהַלְלוּ אֶת שְׁמָךְ הַגָּדוֹל, כִּי טוֹב הָאֵל הַטּוֹב.

Během Deseti dnů pokání lze přidat:

זְכֹר רַחֲמֶיךָ יְהוָה אֱלֹהֵינוּ, וּכְבֹשׁ כַּעַסְךָ, וּכְתֹב לְחַיִּים, כָּל בְּנֵי בְרִיתָךְ.

בָּרוּךְ אַתָּה יְהוָה, הַטּוֹב שִׁמְךָ וּלְךָ נָאֶה לְהוֹדוֹת.

שִׂים שָׁלוֹם טוֹבָה וּבְרָכָה, חֵן וְחֶסֶד וְרַחֲמִים עָלֵינוּ וְעַל יִשְׂרָאֵל עַמֶּךָ, וּבָרְכֵנוּ כֻּלָּנוּ, מִמְּאוֹר פָּנֶיךָ: כִּי מִמְּאוֹר פָּנֶיךָ נָתַתָּ לָּנוּ יְהוָה אֱלֹהֵינוּ, תּוֹרָה וְחַיִּים אַהֲבָה וְחֶסֶד צְדָקָה וְשָׁלוֹם, וְטוֹב בְּעֵינֶיךָ, לְבָרֵךְ אֶת עַמְּךָ יִשְׂרָאֵל בְּכָל עֵת בַּשָּׁלוֹם.

Během Deseti dnů pokání lze přidat:

וּבְסֵפֶר חַיִּים בְּרָכָה וְשָׁלוֹם, וְנִזָּכֵר וְנִכָּתֵב לְפָנֶיךָ, אָנוּ וְכָל עַמְּךָ בֵּית יִשְׂרָאֵל, לְחַיִּים וּלְשָׁלוֹם.

בָּרוּךְ אַתָּה יְהוָה, הַמְּבָרֵךְ אֶת עַמּוֹ יִשְׂרָאֵל בַּשָּׁלוֹם.

Po dokončení Amidy:

יִ֥הְיֽוּ לְרָצ֨וֹן ׀ אִמְרֵי־פִ֡י וְהֶגְי֣וֹן לִבִּ֣י; לְפָנֶ֑יךָ יְ֝הוָ֗ה; צוּרִ֥י וְגֹֽאֲלִֽי׃

Popřej mír tím, že se ukloníš, uděláš tři kroky vzad, přikývneš doleva, potom doprava a pak z úklony zvedneš hlavu.